HK veitti heimakonum góða mótspyrnu í fyrri hálfleik og munaði aðeins einu marki í leikhléi, 16–15. Valskonur náðu hins vegar betri tökum á leiknum í síðari hálfleik og fögnuðu að lokum fimm marka sigri.
Hafdís Renötudóttir átti góðan leik í marki Vals og varði 18 skot, þar af þrjú vítaköst. Ásdís Þóra Ágústsdóttir var markahæst hjá Val með sex mörk.
Valur er með tólf stig í þriðja sæti deildarinnar en HK er með tvö stig.
