Í 11 sæti spáir Harpixið Selfossi. 

Það var í raun og veru erfitt að meta hvort að það ætti að setja Stjörnuna eða Selfoss í 12-11. sæti deildarinnar en eftir að hafa séð brot úr leikjum beggja liða á undirbúningstímabilinu var þetta niðurstaðan. Það hafa ekki verið miklar breytingar á Selfossi fyrir utan þjálfaraskiptin en Örn Þrastarson tók við þjálfun liðsins af Carlos Martin. Örn hefur verið í kringum meistaraflokk Selfoss í fjölmörg ár og því er ekki von á miklum breytingum á leik liðsins. 

Það eru margir ungir og spennandi leikmenn að koma upp hjá Selfossi sem munu þurfa að stíga upp í vetur. Það mun mikið mæða á þessum ungu leikmönnum en það hefur enginn komið til félagsins og Sverrir Pálsson er sá eini sem hefur hætt. Hannes Höskuldsson var lang besti leikmaður liðsins á síðasta tímabili og mun halda áfram að skora mörkin. 

Til þess að Selfoss bjargi sér frá falli munu þeir þurfa að gera SET höllina að algjöru virki.