Það er með sannri ánægju sem við tilkynnum það að handboltavefurinn Harpix.is hefur hafið göngu sína og er kominn í loftið. Harpix.is er ný og óháð fréttasíða sem mun fjalla um innlendan og erlendan handbolta ásamt því að segja frá því helsta sem er að gerast innan handboltahreyfingarinnar.

Ljóst er að það er þörf á meiri umfjöllun um þjóðaríþróttina og er það von þeirra sem standa á bakvið vefinn að umfjöllun og áhugi um handknattleik muni aukast með tilkomu síðunnar. 

Við hvetjum öll til að fylgja okkur á samfélagsmiðlum en þar munum við einnig vera mjög virk. 

Hægt er að hafa samband við Harpixið í gegnum netfangið [email protected] og þau sem hafa áhuga á því að auglýsa á miðlinum geta haft samband við [email protected].