Þórsarar hafa verið duglegir á félagaskiptamarkaðnum og það er óhætt að segja að það verði danskir dagar fyrir norðan í vetur. Þeir hafa sótt fjóra dana og Jóhann Geir Sævarsson er kominn aftur eftir að hafa verið hjá KA síðustu ár. 

Það er óþæginlegt að fara norður og mæta þórsurum en það má búast við því að liðið muni spila miklu hraðari bolta í vetur eins og einkennir oft danska leikmenn. Oddur Grétarsson, Þórður Tandri og Hafþór Vignisson verða allir áfram í lykilhlutverkum hjá liðinu en þeir geta á sínum degi allir verið með betri leikmönnum deildarinnar. 

Það verður gaman að fylgjast með Þórsurum í vetur og hver veit nema að þeir dúkki upp í úrslitakeppnissæti.