Selfoss hafði betur gegn Víkingi í hörkuleik þar sem alls 78 mörk voru skoruð. Selfyssingar fögnuðu að lokum tveggja marka sigri, 40–38, eftir spennandi lokamínútur.

Víkingar byrjuðu leikinn betur og komust snemma í þriggja marka forskot. Selfyssingar voru þó fljótir að vinna sig inn í leikinn og jafna metin. Liðin skiptust á að hafa forystuna framan af en undir lok fyrri hálfleiks náðu heimamenn að taka frumkvæðið. Selfoss fór með þriggja marka forskot inn í leikhléið, 19–16.

Selfyssingar héldu áfram þar sem frá var horfið í síðari hálfleik og náðu fimm marka forskoti. Víkingar neituðu hins vegar að gefast upp og söxuðu jafnt og þétt á forskotið. Þegar skammt var til leiksloka munaði aðeins einu marki á liðunum en Selfyssingar héldu haus á lokakaflanum og tryggðu sér tveggja marka sigur.

Aron Leó Guðmundsson og Ragnar Hilmarsson voru í miklu stuði í liði Selfoss. Aron Leó skoraði 14 mörk og Ragnar bætti við ellefu en saman skoruðu þeir 25 af 40 mörkum heimamanna.

Hjá Víkingi var Felix Már Kjartansson atkvæðamestur með 13 mörk en Benedikt Emil Aðalsteinsson kom næstur með sjö mörk.

Markaskorarar Selfoss:

Aron Leó Guðmundsson 14, Ragnar Hilmarsson 11, Bjarni Valur Bjarnason 3, Guðjón Óli Ósvaldsson 3, Kári Einarsson 3, Þormar Sigurðsson 3, Bartosz Galeski 1, Skarphéðinn Steinn Sveinsson 1.

Markaskorarar Víkings:

Felix Már Kjartansson 13, Benedikt Emil Aðalsteinsson 7, Magnús Kári Magnússon 4, Reginn Thoroddsen Friðriksson 4, Elías Ingi Gíslason 3, Nökkvi Gunnarsson 3, Páll Þór Kolbeins 3, Gabríel Ágústsson 1.