FH sigraði HK í Olísdeild karla í kvöld en FH fagnaði fjögurra marka sigri, 33–29.
Jafnræði var með liðunum framan af leik og var staðan 7–7 þegar tæpar 14 mínútur voru liðnar. FH náði þá góðum kafla og komst fjórum mörkum yfir, 11–7. HK-ingar náðu að halda í við heimamenn það sem eftir lifði fyrri hálfleiks en FH fór með þriggja marka forskot inn í leikhléið, 18–15.
FH byrjaði síðari hálfleikinn af krafti og jók forskotið jafnt og þétt. Þegar 40 mínútur voru liðnar höfðu Hafnfirðingar náð sex marka forystu, 25–19. HK-ingar gáfust þó ekki upp og náðu að minnka muninn í fjögur mörk, 27–23, þegar rúmar 13 mínútur voru eftir. Nær komust gestirnir ekki og FH sigldi að lokum fjögurra marka sigri í höfn, 33–29.
Ómar Darri Sigurgeirsson var atkvæðamestur í liði FH með átta mörk. Brynjar Narfi Arndal, Einar Rafn Eiðsson og Einar Örn Sindrason komu næstir með fjögur mörk hver.
Hjá HK voru Örn Alexandersson, Leó Snær Pétursson og Kári Tómas Hauksson markahæstir með fimm mörk hver.
Markaskorarar FH:
Ómar Darri Sigurgeirsson 8, Brynjar Narfi Arndal 4, Einar Rafn Eiðsson 4, Einar Örn Sindrason 4, Eiður Rafn Valsson 3, Ágúst Guðmundsson 2, Antoine Óskar Pantano 2, Gunnar Kári Bragason 2, Jón Bjarni Ólafsson 1, Jón Þórarinn Þorsteinsson 1, Jakob Martin Ásgeirsson 1, Leonharð Þorgeir Harðarson 1.
Markaskorarar HK:
Örn Alexandersson 5, Leó Snær Pétursson 5, Kári Tómas Hauksson 5, Aron Dagur Pálsson 3, Gunnar Dan Hlynsson 3, Trúgvi Hávardsson 3, Andri Þór Helgason 2, Tómas Sigurðarson 1, Tómas Bragi Lorriaux Starrason 1, Jóhann Birgir Ingvarsson 1.
