Hvíti Riddarinn tók á móti Gróttu í 16-liða úrslitum Powerade Bikarsins í kvöld. Það var mikil spenna fyrir þennan leik enda allskonar kempur búnar að gera samninga við Hvíta Riddarann á síðustu dögum. Leikurinn var jafn fyrsta korterið en eftir það voru Gróttu menn ekki í miklum vandræðum og leiddu með 10 mörkum í hálfleik 9-19. Þeir gáfu svo bara enn meira í forskotið í síðari hálfleik og unnu að lokum átjan marka sigur 22-40 og eru komnir áfram.