Það verður áhugaverð viðureign í 16-liða úrslitum í Danska bikarnum, en stjörnuprýtt lið HÖJ Elite drógst gegn Danmerkur meisturum Aalborg. 

HÖJ Elite spilar í næst efstu deild eftir að hafa fallið úr deild þeirra bestu á síðasta tímabili. Þrátt fyrir það hafa þeir sótt marga stóra pósta eins og Jannick Green, Thomas Solstad og Lasse Andersson. 

Aalborg eru líklegastir til að vinna bikarinn en innan raða hjá þeim eru meðal annars Juri Knorr, Alexander Blonz, Sander Sagosen og Landin bræður.

Leikurinn verður spilaður 27.september nema að liðin nái saman um nýjan tíma.