Jónas Karl Gunnlaugsson hefur, samkvæmt heimildum Harpixins, ákveðið að flytja erlendis í nám og mun því ekki spila með liði Selfoss á næsta tímabili.

Jónas, sem er fæddur 2006, hefur spilað með Selfoss síðastliðin tvö tímabil en hann skoraði 26 mörk í 20 leikjum á síðasta tímabili. Jónas hefur verið viðloðandi yngri landslið Íslands síðastliðin ár.

Þetta verður missir fyrir Selfoss þar sem þeir munu vera í harðri baráttu við Stjörnuna og Víking um að halda sér í Olís deildinni. Selfoss hefur að auki misst Sverri Pálsson en hann lagði skóna á hilluna í sumar.