HSÍ var rétt í þessu að gefa út tilkynningu þar sem kemur fram að Selfoss hafi tekið við sæti Víkinga í Olísdeild kvenna. Tilkynning HSÍ er svo hljóðandi: 

"Olísdeildin | Selfoss tekur sæti Víkings í Olísdeild kvenna

Selfoss mun leika í Olísdeild kvenna á komandi keppnistímabili. Víkingur dregur lið sitt úr deildinni og Selfyssingum hefur boðist sætið sem þar með losnar. Víkingur mun jafnframt leika í Grill 66 deild kvenna á komandi tímabili.Víkingur var meðal liðanna tíu sem skráð voru til leiks í Olísdeild kvenna, ásamt Val, ÍBV, Haukum, ÍR, Fram, KA/Þór, Stjörnunni, HK og Gróttu. Með þessari breytingu tekur Selfoss sæti Víkings og deildin verður áfram skipuð tíu liðum.Nánar verður farið yfir þetta mál á kynningarfundi Olís- og Grill 66 deildarinnar sem fram fer á morgun klukkan 12:15. Honum verður streymt í beinni á YouTube rás HSÍ."

Einungis 9 dagar eru í fyrsta leik og því verður ansi áhugavert að sjá hvernig Selfoss kemur inn í þetta mót. Víkingar ætla að spila í Grill deildinni á komandi tímabili en ekki er ljóst hvort að allar þær sem hafa samið við liðið á undanförnum vikum munu koma til að spila með þeim þar sem ljóst er að um forsendubrestur sé að ræða.