Stjarnan tók á móti Fram í kvöld í TM Höllinni í Garðabæ.
Þegar um 10 mín voru liðnar af leiknum var staðan 6-5 Stjörnumönnum í vil. Næstu mínútur buðu upp á meira af því sama en staðan var 11 - 9 þegar um 20 mínútur höfðu verið spilaðar. Hálfleikstölur voru Stjarnan 17 - 15 Fram.
Seinni hálfleikur var hins vegar Stjörnumanna. Þeir svoleiðis völtuðu óvænt yfir Fram, það virðist sem að hugur Framara hafi verið annars staðar í kvöld en lokatölur voru Stjarnan 37 - 29 Fram.
Þetta var leikur til að gleyma hjá skyttum Fram, þeim Max Emil Stenlund og Hauki Inga Haukssyni en þeir voru með 30% og 33% nýtingu í leiknum samkvæmt HBstatz. Á sama tíma gerði Sigurður Dan Óskarsson sér lítið fyrir og var með 22 varða bolta. Mikilvægur sigur fyrir Stjörnuna en þeir eru nú með 3 stig í Olísdeild karla.
Markaskorarar Stjörnunnar:
Ísak Logi Einarsson 10
Jóel Bernburg 7
Tandri Már Konráðsson 6
Gauti Gunnarsson 6
Dagur Sverrir Kristjánsson 5
Bjarki Jóhannsson 2
Tóki Friðriksson 1
Markaskorarar Fram:
Theodór Sigurðsson 7
Haukur Ingi Hauksson 4
Max Emil Stenlund 3
Ívar Logi Styrmisson 3
Kristján Pétur Barðason 3
Dagur Fannar Möller 2
Alex Unnar Hallgrímsson 2
Magnús Öder Einarsson 2
