FH hefur staðfest komu Eiðs Rafns Valssonar til félagsins en hann gerir þriggja ára samning við FH. Fimleikafélagið kaupir Eið Rafn frá Fram en talið er að kaupverðið hafi verið í kringum ein og hálf milljón.
Eiður er fæddur árið 2005 og hefur verið í öllum yngri landsliðum Íslands ásamt því að hafa orðið Íslands-og bikarmeistari með Fram árið 2025.
“Við bjóðum Eið Rafn velkominn í FH. Við erum sannfærð um að hann smellpassi inn í okkar umhverfi og væntum við mikils af honum. Eiður er metnaðarfullur leikmaður sem kemur með hraða, baráttuvilja og gæði inn í FH-liðið. Við hlökkum til að sjá hann blómstra í FH-treyjunni næstu árin” sagði Ágúst Bjarni Garðarsson formaður handknattleiksdeildar FH við undirskriftina.
