ÍBV hefur loksins tilkynnt komu Corneliu Hermansson til liðsins en þetta hefur legið í loftinu í þónokkurn tíma. Cornelia hefur áður leikið hér á landi með Selfossi en hún kemur til Eyja frá Kungålvs handbollklubb í Svíþjóð.
"Cornelia Hermansson er gengin til liðs við ÍBV og hefur undirritað 2 ára samning við félagið.
Cornelia er 26 ára gamall markvörður en hún kemur frá Svíþjóð. Síðast lék hún með Kungälvs handbollklubb í heimalandi sínu.
Áður lék Cornelia við góðan orðstír með Selfossi og þekkir því til íslensk handbolta og hefur reynslu af því að spila hér á landi.
Við erum ákaflega glöð að fá Corneliu til liðs við ÍBV og hlökkum mikið til samstarfsins.
Velkomin til ÍBV Cornelia" Segir í tilkynningu ÍBV.
