Samkvæmt heimildum Harpixins mun landsliðsmaðurinn Stiven Tobar Valencia semja við Valsmenn á næstu vikum. Stiven hefur undanfarin ár spilað með liði Benfica í Portúgal en þeir enduðu í þriðja sæti deildarinnar á nýliðnu tímabili. Handkastið sagði fyrst frá því að Stiven væri í viðræðum við Val en hann gekkst undir aðgerð á öxl í sumar og er óvíst hversu lengi hann verður frá. Valsmenn hafa verið í stöðugu sambandi við Stiven og nú er það ljóst að hann muni snúa aftur heim á Hlíðarenda.

Þetta er vægast sagt mikill liðsstyrkur fyrir Valsmenn en Stiven var einn besti leikmaður deildarinnar áður en að hann hélt út í atvinnumennsku. Valur mun leika í riðlakeppni Evrópudeildarinnar í vetur.