Haukar voru rétt í þessu að tilkynna það að þeir hafa náð samkomulagi við línumanninn Þráinn Orra Jónsson um framlengingu á samningi hans við félagið. 

Þráinn gekk til liðs við Hauka árið 2020 og hefur spilað 164 leiki fyrir Hauka og hefur skorað í þeim 335 mörk samkvæmt tilkynningunni. Þráinn lék eftirminnilega með íslenska landsliðinu á EM 2022 og mun mynda gríðarlega sterkt línumannapar með Sigurði Jefferson sem gekk til liðs við Hauka frá HK í sumar.