Víkingur mun ekki tefla fram liði í Olísdeild kvenna í ár eins og Harpixið skrifaði um í morgun. Eva Hrund Harðardóttir sagði upp störfum hjá félaginu í gær eftir einungis þrjá mánuði í starfi en sumarið hefur reynst liðinu mjög erfitt og var þessi ákvörðun það sem fyllti mælirinn. Víkingur átti að mæta Val í opnunarleik Olísdeildar kvenna eftir 9 daga en ljóst er að ekkert verður úr því. Víkingur mun í staðinn taka sæti í Grill66 deildinni í vetur.

Óvíst er hvort að þetta breyti öllu mótafyrirkomulaginu en ákveðið var að stækka Olísdeild kvenna á ársþingi HSÍ í 10 lið og fengu Víkingur og Grótta þá sæti í deildinni.